Programi i Mirëqeverisjes dhe Integrimit i Fondacionit Shoqëria e Hapur, fton organizatat jo fitimprurese dhe institucionet publike të marrin pjesë në konkurrimin për inciativa që përmbushin objektivat specifike për prioritetet strategjike si mëposhte:

Ushqimi i debatit mbi mirëqeverisjen me ekspertizë dhe të dhëna.

Veprimtari / ide të sugjeruara (por jo të kufizuara vetëm në sa më poshtë):  

• Monitorim sistematik i politikave apo zbatimit të ligjeve të caktuara, (p.sh. zbatimi i Ligjit për Statusin e Nëpunësit Civil, me fokus te puna e DAP dhe KShC, dhe ligje apo politika të tjera).

Rritje e pronësisë vendore të procesit të integrimit.

Veprimtari/ide të sugjeruara (por jo të kufizuara vetëm në sa më poshtë):    

• Veprimtari që rrisin debatin mbi përgatitjen e Shqipërisë për anëtarësim, pjesëmarrjen substanciale të aktorëve, trysninë për progres, dhe sidomos trysninë për një përputhje më të mirë të agjendës së integrimit me atë të tranzicionit e zhvillimit të vendit.
• Monitorim të zbatimit të politikave të ndryshme në kuadër të integrimit.
• Analizë, bazuar në të dhëna konkrete, të kostove dhe benefiteve të integrimit.

Rritje e kapaciteteve, transparencës dhe llogaridhënies së NjQV-ve.

Veprimtari/ide të sugjeruara (por jo të kufizuara vetëm në sa më poshtë):

• Mbështetje të NjQV-ve në buxhetim, shërbime, planifikim urban, etj,
• Monitorim të mirëqeverisjes në nivel vendor, p.sh. funksionimi i këshillave bashkiakë.

Shënim:

• Projekt propozimi së bashku me dokumentacionin e plotë si dhe një kopje elektronike e projekt propozimit, duhen dorëzuar deri më datë 31 Maj, ora 17:00.
• Limiti maksimal i grantin është 30,000 USD
• Kohëzgjatja maksimale e projekt propozimit është 12 muaj.

 (Klikoni mëposhtë për të aksesuar dokumentat)  

1. Lista e dokumentave të kërkuara për aplikim
2. Formulari i aplikimit
3. Tabela standard e tarifave të OSFA
4. Letër mbi vërtetësinë e dokumenteve (duhet të shoqërojë aplikimin)
5. Kushtet e vlerësimit të projektpropozimeve
6. E drejta e ankimimit

Përparësi do të kenë:

• Veprimtaritë me metodologji të qarta dhe solide që rezultojnë në të dhëna konkrete dhe rekomandime konkrete për politikat përkatëse;
• Aplikuesit me përvojë në projekte të ngjashme;
• Projektet që konceptohen e implementohen midis dy a më shumë organizatave që shtojnë vlerë apo plotësojnë njëra-tjetrën;
• Aplikuesit që kontraktojnë grupe ekspertësh me përvojë e reputacion;

Formularin e aplikimit dhe listën e dokumentave të kërkuara mund ta tërhiqni edhe pranë recepsionit të Fondacionit në adresën:

Për pyetje në lidhje me këtë Thirrje për Projekt Propozime, ju lutemi kontaktoni: