Në bazë të këtij rrjeti qëndrojnë vlera te shoqërisë së hapur, si:

• shteti demokratik i bazuar në ligj;
• respekti për të drejtat e njeriut, pakicat, shtresat e margjinalizuara dhe diversitetin e mendimeve;
• një shoqëri civile vitale që mbështet monitorimin e qeverisjes dhe ndarjen e pushteteve;
• ekonomi tregu në të cilën biznesi dhe qeveria janë të ndara;

NOSA u bë funksionale në Janar 2006, pas një periudhe 2 vjeçare përgatitjesh. Burimet kryesore financiare i merr nga Instituti i Shoqërisë së Hapur (OSI) themeluar nga Xhorxh Soros, nëpërmjet Fondacionit të Shoqërisë së Hapur për Shqipërinë (OSFA).

NOSA synon të ndikojë formulimin e vizioneve strategjikë të zhvillimit të vendit, hartimin e politikave publike dhe mbështetjen e veprimeve qytetare për sendërtimin e tyre.

Kjo gjë realizohet nëpërmjet angazhimit
të rrjetit si:

• katalizator për hartimin e politikave publike;
• avokati dhe krijim grupesh presioni duke synuar pjesëmarrjen qytetare;
• ndërmjetësim midis aktorëve me interesa në krijimin e politikave publike;

Për nga mënyra e funksionimit, rrjeti është kryesisht operacional me një komponent të reduktuar grantdhënieje.