Më 15 maj, Lëvizja Mjaft prezantoi realizimin e plotë të projektit të saj unevotoj.com, projekt i mbështetur nga Fondacioni i Shoqerisë së Hapur - Soros. Thelbi i këtij projekti është faqja e internetit www.unevotoj.com, që synon të zgjerojë bashkëveprimin aktiv mes qytetarëve dhe të zgjedhurve të tyre në Parlamentin Shqiptar.

Të ftuar të veçantë ishin ambasadori i OSBE në Shqipëri, Z. Pavel Vacek dhe Z. Ylli Bufi, nënkryetar i Parlamentit. Z. Vacek e cilësoi këtë faqe si kontribuese të drejtpërdrejtë në forcimin e tre elementëve bazë të demokracisë: pjesëmarrja, transparenca dhe përgjegjshmëria. Z. Bufi bëri disa sygjerime si përditësimi në vazhdimësi i faqes, krijimi i forumeve on-line për pjesëmarrje aktive të qytetarëve, etj. Gjithashtu, ishin të pranishëm deputetë të Kuvendit të Shqipërisë, zyrtarë të administratës së Kuvendit, aktorë të shoqërisë civile në Shqipëri, gazetarë, etj.

Për më shumë