Shtator 2006

Që prej muajit Maj 2006, Partnerët - Shqipëri është angazhuar në hartimin e Planit Kombëtar të Veprimit për Rininë, duke synuar një pjesëmarrje të gjerë të të gjitha grupeve të interesit për çështjet e rinisë përfshirë: organizata rinore, Forume Rinore Politike, organizata të tjera të cilat ofrojnë shërbime për të rinjtë, përfaqësues të pushtetit vendor etj.

Për të realizuar gjithëpërfshirjen Partnerët – Shqipëri, gjatë muajit shtator po lehtëson organizimin e katër Workshopeve Rajonale, përkatësisht në Tiranë, Shkodër, Korçë dhe Vlorë. Rekomandimet që po dalin në secilin prej tyre do të përfshihen në Planin Kombëtar të Veprimit për Rininë 2006-2011. Ky dokument do të miratohet nga Qeveria Shqiptare dhe do të përbëjë planin e ardhshëm 5-vjecar të aktiviteteve për rininë në nivel kombëtar.