31 maj – 1 qershor

Forcimi i shoqërisë civile shqiptare, rritja e kapacitetit të saj për bashkëveprim, advokasi dhe lobim janë tashmë një nga përparësitë e NOSA-s. Gjithashtu ka ardhur koha për forcimin menaxherial dhe financiar të tyre, rritjen e transparencës dhe të njohurive ligjore. Në përputhje me këto nevoja, PARTNERS në bashkëpunim të ngushtë me OSFA-në, ndërmorën realizimin e disa veprimatarive për forcimin e kapaciteteve të OJF-ve shqiptare.

Në kuadër të projektit “Forcimi i kapaciteteve të OJF-ve”, Partnerët – Shqipëri dhe OSFA organizuan në qytetin e Elbasanit dhe të Vlorës dy programe trainimi, respektivisht në datat 26-29 prill dhe 31 maj – 1 qershor. Objekt i trainimit ishin çështjet e "Menaxhit Financiar” dhe “Procedurat e Regjistrimit të OJF-ve në Përputhje me Legjislacionin Shqiptar". Duke trajtuar çështje të tilla u synua të forcoheshin aftësitë menaxheriale të OJF-ve, të përsoseshin raportet e tyre finaciare për të shtuar transparencën dhe të shtoheshin njohuritë rreth procedurave me natyrë ligjore që përfshijnë OJF-të në legjislacionin shqiptar.