3 shkurt 2007

Lëvizja MJAFT! njoftoi më 3 shkurt aktivizimin e faqes së internetit Unë Votoj për Zgjedhjet Vendore 2007. Kjo është një bazë të dhënash elektronike për monitorimin e fushatës, premtimeve dhe punës së kandidatëve në konkurim për zgjedhjet vendore 2007. Ashtu si me faqen e internetit për zgjedhjet e përgjithshme të 3 korrikut 2005, Unë votoj për zgjedhjet vendore 2007 do të vëzhgojë nga afër fushatat zgjedhore të kandidatëve për kryetarë bashkie, do të sjellë të dhëna biografike, financimin e fushatave, dhe do të ndjekë mbajtjen e premtimeve pas përfundimit të zgjedhjeve. Gjithashtu parashikohet që, UnëVotoj, të monitorojë punimet e këshillave bashkiake të 13 bashkive, të botojë raporte semestrale në lidhje me premtimet parazgjedhore, zbatimin e procedurave të punimeve të këshillave bashkiake, të sjellë informacion mbi asetet e kryetarëve të bashkive.